जनकपुरमा सटरको भाडा वैज्ञानिक बनाउन मांग

1 वर्ष पहिले प्रकाशित

Akul Prasad Sah

488 Views

कमल साह
जनकपुरधाम,मंसिर १५ गते । जनकपुरधाम उद्योग वाणिज्य सङ्घले जनकपुरधाम उप महानगरपालिका नगरभित्रका सटरहरुको वैज्ञानिक रूपमा भाडा निर्धारण गर्न माग गरेको छ ।
संघका कार्यवाहक अध्यक्ष मनिष रमण साहको नेतृत्वमा व्यापारीहरूले जनकपुरधामका नगरप्रमुख मनोज कुमार साहलाई बिहीबार ज्ञापन पत्र बुझाउँदै माग गरेका छन् ।
व्यापारीहरू चौतर्फी मारमा परेको बेला चर्र्काे घरभाडा र घर धनीले एडभान्स लिने गरिएकाले वैज्ञानिक रूपमा भाडा निर्धारण गर्नुपर्ने मांग गर्दै ज्ञापन पत्र बुझाएको जनाएको छ ।
जनकपुरधामका सडकहरुको चौडाई बढाउँने क्रममा व्यावसायिक प्रतिष्ठान रहेका घरहरू टुटफुट हुँदा वर्षभरि नै व्यवसाय चौपट भएको’, ज्ञापनपत्रमा उल्लेख गरिएको छ ।
त्यसपछि कोभिड महामारी, आर्थिक मन्दी र बढेको बैङ्क व्याज दरले असर परेको ले सम्पूर्ण व्व्यवसायी मारमा पारेको उल्लेख छ ।
व्यावसायिक प्रतिष्ठानका निम्ति एडभान्स बापत बुझाउनु पर्ने मोटो रकम र चर्को घर भाडाले व्यवसायीहरू ठूलो आर्थिक मारमा परेकाले नगरभित्रका व्यवसायी प्रतिष्ठानहरू रहेको बजार र सडकको वैज्ञानिक रूपमा भाडा निर्धारण गर्न माग गरेको छ ।
जनकपुरधामको कतिपय सटरहरु व्यापारीहरूले आर्थिक मन्दी र चर्को भाडाका कारणले खाली गरेका छन् ।