मारवाड़ी सेवा समितिका अध्यक्ष र महासचिबद्वारा एक–एकजना पत्रकारलाई पुरस्कार

4 महीना पहिले प्रकाशित

Mithila Jagaran

277 Views

कमल साह
जनकपुरधाम, पुस १३ गते । यहाँका मारवाड़ी सेवा समितिका अध्यक्ष र महासचिबद्वारा दुई जना पत्रकारलाई एक–एक वटा पुरस्कार प्रदान गर्ने विहिबार घोषणा भएको छ ।
नेपाल पत्रकार महासंघ धनुषा का नव निर्वाचित अध्यक्ष पुरन साह तथा कार्यसमितिका पदाधिकारी र सदस्यहरु लाई स्वागत तथा सम्मान कार्यक्रम मा उक्त पुरस्कारको घोषणा भएको छ ।
मारवाड़ी सेवा समितिका अध्यक्ष निर्मल कुमार चौधरीले आफ्नो स्व.श्रीमती अनिता चौधरी को नामबाट “अनिता चौधरी आर्थिक पत्रकारिता पुरस्कार” र सोही संस्थाका महासचिव प्रमोद अग्रवाल ले आफ्नो बुवा आमा को नामबाट “राधा किशोरी खोजी पत्रकारिता पुरस्कार” घोषणा गर्नुभएको छ ।
सो अवसरमा अध्यक्ष चौधरीले एक जना मास कम्युनिकेशन पढ़नका लागी छात्रवृति दिन इच्छा रहेको समेत बताउनु भयो।उक्त पुरस्कारहरुको राशी प्रत्येक बर्ष ११ हजार रहने ब्यवस्था हुने बताउनु भयो ।
उहाँले उक्त कार्यको लागि कार्यविधि बनाउने, मान्यता दिने तथा अन्य कार्य पत्रकार महासंघ ले कार्यसमितिबाट अनुमोदन भए अनुसार नै हुने बताउनु भयो । सो अवसरमा नेपाल पत्रकार महासंघका अध्यक्ष पुरन साह लगायतद्वारा धन्यवाद तथा आभार प्रकट गरियो ।