कमल साह
जनकपुरधाम,फागुन २८ गते । मधेश प्रदेशको राजधानी एवं धार्मिक तथा सांस्कृतिक नगर जनकपुरधामको सीमामा शुक्रबारबाट वाटर पार्क संचालनमा आएको छ । वंडरलैण्ड वाटर पार्कको उद्घाटन नेपालको चर्चित अभिनेत्री प्रियंका कार्कीले गर्नुभयो । उद्घाटन समारोह आयोजना भएको दिन भरी निःशुल्क प्रवेश सर्वसाधारणले गरेका छन ।
प्रदेशमै सबैभन्दा ठुलो तथा अत्याधुनिक रहेको वाटर पार्क स्थलमै विहिवार पत्रकार सम्मेलन गरेर सो जानकारी गराईयो । क्षिरेश्वर नगरपालिका–१ रमदैयामा निर्माण गरिएको जानकी फन पार्क एण्ड रिसोर्टको प्रबन्धक निर्देशक गुड्डु जैनले उक्त जानकारी गराउनु भयो ।
पर्यटन प्रबद्र्धन गर्नुका साथै रोजगारीको अवसर सृजना गर्न तथा यस क्षेत्रका जनतालाई मनोरंजन प्रदान गर्ने उदेश्यबाट वाटर पार्क संचालनमा ल्याएको छ ।
उहाँले यस वाटर पार्कको उद्घाटन नेपालको चर्चित अभिनेत्री प्रियंका कार्कीको विशेष उपस्थितीमा शुक्रबारबिहान ११ बजे हुने जानकारी गराउनु भयो ।
सो वाटर पार्कको क्षेत्रफल ३ लाख स्क्वायर फिट रहेको छ । त्यसमा मल्टीलेन स्लाइड टु लेन, वडी वेभ स्लाइड, हाइ स्पिड वडी स्लाइड, ओपेन वडी टर्निङ्ग स्लाइड, ओपेन फ्लोट स्लाइड, वेभ पुल, रेण डान्स, ५ प्लेटर्फम वाटर प्ले सिस्टमलगायतका मनोरञ्जन उपकरणको निर्माण कार्य सम्पन्न भइसकेको जैनले बतउनु भयो । पार्कका आगन्तुकहरुका लागि पर्याप्त पार्किंगको व्यवस्था समेत गरिएको छ ।
वाटर पार्कमा दक्ष तथा अनुभवी कर्मचारीहरुको निगरानीमा बिहान १०ः३० बजेदेखि बेलुका ५ बजेसम्म संचालन हुने उहाँले बताउनु भयो । पार्क प्रवेशमा ३ फीट मूनीका बालबालिकालाई कुनै प्रवेश शुल्क लाग्ने बताउँदै जैनले अन्यको हकमा प्रति व्यक्ति कर सहित रु. ८५० प्रवेश शुल्क निर्धारीत गरिएको भन्नुभयो ।
पार्कका पानीको स्वच्छता कायम गर्न पार्कमा हाल ४ वटा वाटर ट्रिटमेन्ट प्लान्ट जडान गरेको छ । आगन्तुकहरुका लागि कस्ट्युम तथा लकरको व्यवस्था रहेको छ ।
वाटर पार्क सिद्धार्थ बैंक लिमिटेडको ऋण सहयोगमा निर्माण भएको छ । त्यसमा १२ करोड ५० लाख खर्च भै सकेको छ । उदघाटन दिन सबैलाई निःशुल्क प्रवेशको व्यवस्था गरिएको छ ।