मिथिला जागरण समाचारदाता
जनकपुरधाम, बैशाख १८ गते । धनुषाको हंसपुर नगरपालिका–६ टिल्हीका २५ वर्षीय शम्भु मण्डललाई उनकै पत्नीले धारिलो हतियार प्रहार गरी हत्या गरिएको जिल्ला प्रहरी कार्यालय धनुषाका प्रहरी उपरीक्षक प्रकाश रानाभाटले जानकारी दिए । धनुषामा घरायसी विवादका कारण श्रीमानको बीभत्स हत्या गरिएको छ ।
शुक्रबार मध्यराति भएको विवादमा मण्डललाई २३ वर्षीय पत्नी सुशिलादेवी मण्डल, भाइहरु जय मण्डल र अनिल मण्डलले कुुटपिट गर्दै धारिलो हतियार प्रहार गरी हत्या गरेको प्रहरी उपरीक्षक रानाभाटले बताए । मृतक मण्डलको घाँटी र शरीरको विभिन्न भागमा काटिएको छ ।
कुटपिटबाट मण्डलको मृत्युपछि पत्नी र भाइहरु फरार भएका छन् ।
अहिले इलाका प्रहरी कार्यालय औरही र जिल्ला प्रहरी कार्यालय धनुषाको सँयुक्त टोलीले घटनास्थल पुगेर मुचुल्का उठाएका छन् ।
भाउजु देवरबीच अवैद्य सम्बन्धका कारण शम्भुको हत्या गरीएको र बैदेशिक रोजगारीमा बस्दै आएको थिए । शम्भु एक महीना अघि मात्र कतारबाट गाउँ फर्केका थिए सो कुरो त्यँहा का बासिन्दाहरुले बताउनु भएका छन् ।
शम्भुको कन्चट र घाँटीमा खुकुरी प्रहार गरि हत्या गरेको जनाएको छ । उनलाई हत्या गरी गएराती नै तीन जना मोटरसाईकलबाट भाग्ने प्रयास गर्दा घर देखी करिब १०० मिटरकै दुरीमा मोटरसाईकल छाडेर भागेको प्रहरीले जनाएको छ । उनीहरुको खोजी कार्य तीब्र पारिएको जिल्ला प्रहरी कार्यलय धनुषाले जनाएको छ ।
घटनास्थलमा पुगेका प्रहरी हत्याबारे अनुसन्धान गरिरहेको र मृतक मण्डलको शव पोष्टमार्टमका लागि प्रादेशिक अस्पताल जनकपुरधाम पठाइएको धनुषा प्रहरीले जनाएको छ ।