वृहतर जनकपुरधामका नवनियुक्त अध्यक्ष साहद्वारा पदभार ग्रहण

मिथिला जागरण समाचारदाता
जनकपुरधाम, असार १६ गते । नेपाल सरकारबाट वृहतर जनकपुरधाम क्षेत्र विकास परिषदको अध्यक्षमा नियुक्त भएका वरिष्ठ पत्रकार समेत रहेका शितल साहले आजबाट पदभार ग्रहण गरेका छन् ।
विहिवार काठमाण्डौंबाट जनकपुरधामको विमानस्थल हुदै परिषदको कार्यालय पुगेका शितल साह ले पदभार ग्रहण गरेका हुन ।
नवनियुक्त अध्यक्ष साहले परिषदको सुधार र कार्यक्षेत्रको विकासका लागि आफु सक्दो कोशिस गर्ने बताएका छन् । पत्रकारिताको क्रममा आफुलाई धेरै समस्या र चुनौतीहरु जानकारीमा रहेकाले आफु सक्दो सुधारका कामहरु गर्ने बताउदै उनले यस्मा सबैको सहयोग आवश्यक पर्ने बताए ।


नेपाल सरकार मन्त्री परिषदको बैठकले साहलाई अध्यक्ष पदमा नियुक्त गरेको हो । साह नेपाल पत्रकार महासंघको केन्द्रिय सदस्य र कोषाध्यक्ष समेत भइसकेका छन् ।
सो अवसरमा परिषदका कार्यकारी निर्देशक बलराम ठाकुर सहित कर्मचारी, नेकपा एसका नेता कार्यक्रताहरुको सहभागिता रहेको थियो । वहाँलाई शुभकामना दिनको लागि वृहतर जनकपुरधाम क्षेत्र विकास परिषद हजारौको संख्यामा उपस्थिती भएको थियो ।

1 महीना पहिले    235 Post Views