+977 9854027065 | akulpdsah@gmail.com

४०० विपन्न घरधुरीलाई न्यानो कम्बल वितरण

3 वर्ष पहिले प्रकाशित

Akul Prasad Sah

767 Views

मिथिला जागरण समाचारदाता
जनकपुरधाम, माघ १० गते । शितलहरबाट उच्च जोखिममा रहेका सर्लाहीको हरिपूर्वा नगरपालिका र पर्सा गाउँपालिकाका ४०० विपन्न घरधुरीलाई आज माघ १० गते न्यानो कम्बल वितरण गरिएको छ ।
बागमती सेवा समाज नेपालद्वारा वल्र्डभिजन इन्टरनेशनलसँगको साझेदारीमा संचालित बाल स्पोन्सरशिप परियोजनाद्वारा आयोजित न्यानो कम्बल वितरण कार्यक्रमको शुरुवात गर्नुहुँदै पर्सा गाउँपालिका अध्यक्ष किसुनदेव रायले चिसोबाट जोखिममा परेका व्यक्तिहरुलाई न्यानो कम्बलले राहत मिलेको कुरा बताउनुभयो ।
“हिउँद याममा हरेक वर्ष शितलहरबाट धेरै व्यक्तिहरुको ज्यान जाने गरेको छ ।” अध्यक्ष रायले भन्नुभयो “जोखिममा परेका समुदायलाई चिसोबाट जोगाउन स्थानीय सरकारले विभिन्न सहयोगी संस्थासँग समन्वय गरी काम गरिरहेको छ र त्यसै अन्तर्गत आज न्यानो कम्बल वितरण गरिएको हो ।”
सोही अवसरमा बोल्नु हुँदै बागमती सेवा समाज नेपालका अध्यक्ष भरत कुमार कार्कीले अति गरीब, विपन्न, दलित, अपांगता, एकल महिला भएका परिवारका बालबालिकालाई लक्षित गरी न्यानो कम्बल वितरण गरिएको बताउनुभयो । जोखिममा परेका व्यक्ति र परिवारलाई संस्थाले विभिन्न प्रकारको राहत सहयोग गर्दै आइरहेको बताउनुहुँदै अध्यक्ष कार्कीले भन्नुभयो “शितलहरको जोखिम कम गर्नका लागि अति विपन्न परिवारलाई कम्बल वितरण गरिएको हो ।”
यसैगरी हरिपूर्वा नगरपालिका वडा नं. ३ मा आयोजित न्यानो कम्बल वितरण कार्यक्रममा बोल्नु हुँदै हरिपूर्वा नगरपालिका वडा नं. ३ का अध्यक्ष धर्मराज सिंहले विपन्न परिवारको घरमा न्यानो कम्बल आरामको निन्द्राको सहारा बन्ने कुरा बताउनुभयो । “धेरै विपन्न परिवारमा ओढ्ने, ओछ्याउने कपडा राम्रो नहुँदा दुःख खेप्नु परिरहेको छ र शितलहरको शिकार बन्नु परिरहेको छ ।” अध्यक्ष सिंहले भन्नुभयो “न्यानो कम्बल ती विपन्न परिवारको लागि ठूलो सहयोग बनेको छ ।”
संस्थाद्वारा सर्लाही जिल्लाको हरिपूर्वा नगरपालिका वडा नं. ३ र वडा नं. ८ तथा पर्सा गाउँपालिका वडा नं. ४ र वडा नं. ५ का अति गरीब, विपन्न, दलित, अपांगता भएका ४०० परिवारलाई प्रति परिवार एउटा न्यानो कम्बल वितरण गरिएको कुरा कार्यक्रम संयोजक कुमार भण्डारीले जानकारी दिनुभयो ।

 

यो खबर पढेर तपाईलाई कस्तो महसुस भयो ?

कमेन्ट गर्नुहोस्

पंचकोशी परिक्रमा आईपुग्यो सोमबार अन्तरगृह परिक्रमा र ह..

कमल साहजनकपुुरधाम,चैत्र ११ गते । पन्द्रह दिने मिथिला पंचकोसी आज आईतवार जनकपुरधाम आई पुगेका छन । भाली सोमवार अन्त..

4 दिन पहिले

बेला लादो बिन्धीमा लगभग साढेचौध बिगहा सर्वाजनिक सम्पति ..

कमल साहजनकपुरधाम, चैत्र ११ गते । जनकपुरधाम उपमहान पालिका २३ वडा (साबिक बिन्धी गाउँ पालिका) अन्तर्ग लगभग साढे १४ वि..

4 दिन पहिले

नारायणी अस्पतालको मुद्दा तत्काल छिनोफानो गर्न सांसद या..

रंजित चौरसिया, वीरगंज, वीरगंज चैत्र २ गते । पर्सा क्षेत्र नं. १ का प्रतिनिधि सभा सदस्य (सांसद) प्रदिप यादवले नारायणी..

13 दिन पहिले

टाटा पेन्टस दोस्रो अन्तर कलेज क्रिकेट च्यम्पियनसिप २०८..

मिथिला जागरण समाचारदाताजनकपुरधाम, चैत्र २ गते । जनकपुरधाममा आयोजित टाटा पेन्टस दोस्रो अन्तर कलेज क्रिकेट च्यम्..

13 दिन पहिले

पंचकोशी परिक्रमा मटिहानीबाट जलेश्वर हुँदै मडई पुग्यो

कमल साहजनकपुुरधाम,चैत्र २ गते । पन्द्रह दिने मिथिला पंचकोसी परिक्रमा मटिहानीबाट जलेश्वर हुँदै आज मडई पुगेको छ । ..

13 दिन पहिले